MASAHE SA AKIN NG BULAG

Bakit ganito ang aking pakiramdam

Lahat masasakit ang aking kalamnan

Waring nanghihina ang buong katawan

Sakit at kirot ‘di matukoy kung saan

_____

Kapag tumayo parang mababaligtad

Araw-araw pakiramdam ay may lagnat

Laging masasakit braso at balikat

Ang tuhod at siko’y ‘di ko maiunat

_____

Di ko na matiis, ‘di rin mapakali

Ito’y maidaing sa aking katabi

Sa bulag raw ako ay magpamasahe

Kayat sa nabanggit ‘di nag atubili

_____

Sa mga mall raw sila matatagpuan

Di gumagamit ng langis sa katawan

Diin at pisil ng kamay na marahan

At giginhawa na aking pakiramdam

_____

Kami nga’y nagtungo ng aking kaibigan

Upang masahe nila ay masubukan

Pinaupo ako’t kamay hinawakan

Sa ganung paraan ako’y sinimulan

_____

Pag hawak sa kamay ko’y may lumagutok

At matapos ay dumako sa ’king batok

O’ kay sarap naman ng kanyang paghagod

Nawawala ang dagok sa aking likod

_____

Ipikit raw ang mata para marelaks

Marahang haplos sa aki’y pinamalas

Hagod ng kanyang kamay sa ’king balikat

Dulot sa katawan ko’y ibayong lakas

_____

At ngayon katawan ko nga ay sumigla

Sa masahe mula ulo hanggang paa

At bawat diin ng mga daliri ‘nya

Tila nasa langit aking nadarama

_____

Umuwi akong may ngiti sa ’king labi

Tila may magic ang kamay ‘nyang dumampi

Bawat diin ng kanyang mga daliri

Ginhawa ang dulot, kirot napapawi

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: