Tula PARA SA’YO KAIBIGAN

B-Berlyn ang ngalan ng isa ko pang kaibigan

Maganda, mabait, masaya rin kakwentuhan

Mga katangian ‘nya’y aking hinahangaan

Lalo sa pag nenegosyo lagi sa isipan

……………

E-Extrang kakayahan sa pagkita kanyang taglay

Alam ano mang uri ng paghahanap buhay

Mag-isa man walang asawang umaagapay

Nakakayang iagdong kanilang pamumuhay

……………

R-radar kanyang damdamin nakabukas ang palad

Laging nakahandang tumulong sa mga anak

Ano mang pangangailangan bigay niya agad

Walang sabi sabi sarili man ay masagad

……………

L-Likas  sa kanyang pagkatao ang kasipagan

Pagkat tingin ko sa kanya’y walang kapaguran

Kahit ang gabi ginagawa ‘nya pa ring araw

Upang kita’y sumapat sa pangangailangan

……………

Y- ‘Yan ang mga katangiang ‘di kaya ng iba

Idagdag ko pa ang galing sa pakikisama

Mga problema’di ko nakitang iniinda

Maging sakit sa katawan ‘di alintana

……………

N- Naging dalawang papel ang kanyang ginampanan

Pagkat ina’t ama ‘sya sa kanilang tahanan

Lahat ay kanyang kinaya at pinaglabanan

Hirap na dinanas, pati na rin kalungkutan

……………..

Tula PARA SA AKING KAIBIGAN

Akin pang sinulat, pinadala pa sa e-mail,

Mga nais iparating ng aking damdamin,

Ang aking pasasalamat sana’y iyong damhin,

Nagmula sa puso na sadyang umuukilkil.

———-

Ako ay may kaibigan yollie ang kanyang ngalan,

Ang kanyang ganda hindi nakakasawang tingnan,

May mala porselanang kutis sa kakinisan,

Mabibighani ka kapag ika’y nangitian.

———-

May pitong taon na rin kaming magkakilala,

Sa pangingibang bansa ‘sya lagi ang kasama,

‘Sya ay mabait at maaasahan sa t’wina,

Mapagmahal sa kaibigan maasikaso pa.

———-

Halos araw-araw ko ‘syang katawanan,

Sa kwentuhan naming walang katapusan,

Kahit sa ym lang ang aming huntahan,

Halakhakan namin ay talagang kainaman.

———-

Pag usapa’y nasimulan kulang ang maghapon,

Pagkat ang kwentuhan kung s’an saan natutuon,

Katabi ‘nya sa upuan ay napapalingon,

Iniisip marahil kung sino ba ang kalipon.

———-

Ngalan ‘nya ang binabantayan lagi sa ym,

‘Sya ang hinahanap sa t’wina na mag login,

Kapag sa maghapon ay ‘di ko nakaulayaw,

Tiyak na puso ko’y makakaramdam ng panglaw.

———-

Sa halos araw-araw ng masayang kwentuhan,

Ay marami na rin akong sa kanya’y natutunan,

Na lagi kong itinatanim sa ‘king isipan,

Ang mga payo ‘nya lagi kong tinatandaan.

———-

Alam namin ang nangyayari sa isa’t isa,

Kung anong bagong balita sa aming dalawa,

Sapagkat unang pagbati ang pangungumusta,

Kasunod naman nito ay magkukwentuhan na.

———-

At sa bawat panahong kami’y nagkakasama,

Ang mundo namin ay nababalutan ng saya,

Lahat ng ala-alang aming pinagsaluhan,

Pamihadong naka ukit sa aming isipan.

———-

Bawat tao, nais magkaroon ng kaibigan,

Isang nakakasamang malapit sa kalooban,

Kaya anong saya ko nang ‘sya’y matagpuan,

Naging kasalo ko sa lahat ng kasayahan.

MAGSULAT

Matagal tagal na rin akong hindi nakakapagsulat ng tungkol sa aking sarili sapagkat puro pag likha ng tula ang aking nakagawian nang ilang buwang nakaraan. Paano raw ba ang mag sulat at gumawa ng simpleng tula? hehe! hindi ako nagsusulat nagtatype lang ako. Hindi ako gumagamit ng papel, ballpen o lapis kaya, MS word ang gamit ko.

Sa totoo lang hindi ko alam kung paano magsulat. Wala naman akong pagsasanay para sa pagsusulat. Ibinabase ko lang sa aking mga karanansan at mga nakikita sa paligid ang aking isinusulat o tinutula kaya. Hindi ko rin alam kung may sense ang sinusulat ko o ang tulang ginagawa ko, kasi nga hindi naman ako bihasa na magsulat at gumawa ng tula.

Maaring gusto ko lang magkaroon ng mapaglilibangan. Hindi ko kasi hilig ang maglaro ng mga games sa computer, kaya ito ang naisipan ko ang magsulat hanggang sa naisipan ko na rin humabi ng tula. Ang pag tula naman maaring namana ko lang sa tatay ko, pero di ko kaya pantayan ang kakayahan ‘nya sa pag tula.

Masaya ang pakiramdam, tuwing magsusulat ako o makakalikha ng isang simpleng tula, minsan para nga akong loka loka na pangiti ngiti hanggang sa tumatawa na habang gumagawa ng tula o nagsusulat. Masaya na ako kahit hindi nababasa ng iba basta naisulat ko lang ang gusto kong sabihin.

Wala akong pinipiling oras kung kelan ako magsusulat kahit umaga, gabi at kahit pa nga nakahiga na ako, pero kalimitan ay sa umaga habang nagluluto at naghahanda ng almusal. hehehe! kaya ‘nyo yun?

Hindi pa rin biro ang magsulat, dapat pa ring maging maingat sa bawat kataga at pangungusap dahil maaring makasakit sa kapuwa ang ibang salita na bibigkasin at susulatin ko.

HAIKU (Halimbawa ng tulang Dalit) PAGLALAKBAY SA BUHAY (ni Tatay Ador Garces)

 

 

Hindi tayo nabubuhay

ng ukol sa sarili lang,

bahagi ka ng lipunan,

na ating kinaaniban.

 

Unang una ang pamilya

ang higit na mahalaga.

kasama mo sa tuwi na,

kaakibat sa problema.

 

Ang buhay ay paglalakbay

may nais na patunguhan.

may malinis may masukal

ang ating madadaanan.

 

O kay sarap o kay tamis

ng mabuhay sa daigdig

kung masaya ang paligid

wala man ding kahulilip.

 

Ngunit merong dumating

dalamhati at hilahil,

sakuna at suliranin

bahagi ng buhay natin.

 

At sa atin ngang pagtahak

sa buhay na nilalandas

may mithiin at pangarap

tagumpay na hinahangad.

 

O kay sarap ng mabuhay

dito sa mundong ibabaw.

lalo na nga kung may ilan

mga piling kaibigan.

 

Kaya naman dapat sana

wag mawalan ng pag asa

habang tayoy may buhay pa

darating din ang ginhawa.

(Tula) ALA-ALA SA TAG ULAN

May na-aalala ako tuwing umuulan

Doon sa maliit naming baryong sinilangan

Parati kaming nakatingala sa bubungan

Baka pag ihip ng hangin ito’y magliparan

 

Ngunit parang ayaw kong ito’y balik balikan

Ang mga gunita ng nagdaang karanasan

Buong bubong ng bahay namin ay inilipad

Sa bahay ng kapitbahay namin dun napadpad (kina Siony)

 

Di kaya pinagpakuan ay kahoy na gato

At bubong namin ay nilipad ng buong buo

Grabe! sobrang hina naman ng pagkakapako

Ng aming karpenterong si manong “pitik” Vito (pinsan ni tatay)

 

Nananatili sa ‘king gunita’t kamalayan

Ang lahat na magagandang naming kagamitan

At pati ang mga inadikang kasangkapan

Pawang lahat nabasa at nababad sa ulan

 

Bakas ng ala-ala ng aming kabataan

At ang mga larawang pinakakaingatan

Ngayon, ni isa ay wala ng ngang matunghayan

Dahil sa ulan at hanging hindi napigilan

 

Matagal ng panahon, aking natatandaan

Ang mga naging pinsala, sa aming tahanan

Mga kapit bahay sa ami’y kusang dumamay

Sa masaklap na pangyayari sa aming buhay

 

Ang karanasan ay isang gintong ala-ala

Kay sarap balik balikan ng ating memorya

Ito’y nasa isipan walang pwedeng magbura

Mapwera lang kung ang tao’y sadyang pumanaw na

(Tula) UMUULAN NA NAMAN

Ayan! nanamlay na naman itong langit

Wala ng makitang talang nakadikit

Wala na pati ang buwang mapang akit

Tanda ng gabing panahon ay masungit

__________

Nagbuhos na naman ng luha sa lupa

Ipandidilig sa halamang nalanta

Pampawi sa kanilang matinding uhaw

At handang muli, sa pagsikat ng araw

__________

Heto na naman tayo’t nanggigitata

Ang mga paa, laging basa sa baha

Mga damit natin, amoy alimuom

At sa mangingisda, panahon ng gutom

__________

Sa aming bubungan, dinig ko ang patak

Nang ulang walang hanggan, lumalagaslas

Pati ang tunog ng hanging anong lakas

At mga dahon, dinuduyan sa labas

__________

Tila pagbuhos ay walang katapusan

Patuloy ang pagdilim ng kalangitan

Animoy luha ‘syang hindi mapigilan

Ng babaeng iniwan ng kasintahan

__________

Bakit ka ba biglang sa ami’y dumating?

Sino ba kaya, dapat namin sisihin?

Hindi naman pwedeng itanong sa hangin

Sa bahaghari, kulog at kidlat man din

__________

Kailangan ng maapula ang ulan

At ng muling sumigla ang kalangitan

Upang matanaw ang araw sa silangan

At magliwanag yaring kapaligiran

ALA-ALA SA TAG ULAN

May na-aalala ako tuwing tag-ulan

Doon sa aking munting baryong sinilangan

Parati kaming nakatingala sa bubungan

Baka pag ihip ng hangin ito’y magliparan

__________

Ngunit parang ayaw kong ito’y balik balikan

Ang mga gunita ng nagdaang karanasan

Buong bubong ng bahay namin ay inilipad

Sa bahay ng kapitbahay namin dun napadpad (kina Siony)

 __________

Di kaya pinagpakuan ay kahoy na gato

At bubong namin ay nilipad ng buong buo

Grabe! sobrang hina naman ng pagkakapako

Ng aming karpenterong si manong “pitik” Vito (pinsan ni tatay)

 __________

Nananatili sa ‘king gunita’t kamalayan

Ang lahat naming magagandang kagamitan

At pati ang mga inadikang kasangkapan

Pawang lahat nabasa at nababad sa ulan

 __________

Bakas ng ala-ala ng aming kabataan

At ang mga larawang pinakakaingatan

Ngayon, ni isa ay wala ng ngang matunghayan

Dahil sa ulan at hanging hindi napigilan

__________

Matagal ng pahanon, akin pang natatandaan

Ang mga naging pinsala, sa aming tahanan

 Mga kapit bahay sa ami’y kusang dumamay

Sa naging masaklap na pangyayari sa buhay

___________

Ang karanasa’y isang gintong ala-ala

Na kay sarap balikan ng ating memorya

Nasa isipan walang pwedeng magbura

Mapwera ang tao’y sadyang pumanaw na

(Tula) BUKANG LIWAYWAY

Isang gabi’t araw na naman ang dumaan

Sa sobrang bilis ‘di ko man lang namalayan

Huni ng kuliglig ‘di rin naulinigan

Pagal na katawan tuloy sa kahimbingan

__________

Bagong araw ay bagong pag-asa sa buhay

Ang kahulugan ng pagbubukang liwayway

Bumangong masigla at ‘wag magpalungangay

Kahit umaga’y maruming hangin ang tangay

__________

Matitinding mga balita sa ‘ting bansa

Na nakakatulala, at nakakabigla

Nakakalungkot, minsa’y nakakapaluha

Katiwasayan, idalangin sa Maylikha

__________

Kahit ang presyo ng gasolina’y tumaas

Lahat ng bilihin, kasama pati bigas

Pasalamat parin sa mga sakit, ligtas

Kaysa maospital bulsa nanti’y mabutas

__________

Kahit puno ng alikabok ang paligid

May sari sari mang tunog na maririnig

Iba’t ibang sasakyan ang umaagit-it

Halina’t, salubungin ang biyayang hatid

__________

Kahit maraming bagay ang nagsisiksikan

Tao’t sasakyan nagpapatentero sa daan

Halos wala na nga yatang katahimikan

Taggapin, tadhanang sa ati’y nakalaan

__________

Kahit saang dako ibaling ang paningin

Kung may makitang bagay na kapansin pansin

Wag ng pakatitigan at sadyang limutin

Pag buklat ng bagong pag-asa ang isipin

__________

Kahit ang bukas ay puno ng alinlangan

Sa kahirapan ng buhay ‘di makabitaw

Ang saya’t pag-asa’y malayo pa matanaw

Kaginhawaan mandin ay masusumpungan

__________

Kahit tayo sa kaginhawaan ay salat

Maging sa ano pa man ay magpasalamat

Napakarami pang biyayang ikakalat

Sa ating harapan ay biglang sasambulat

__________

Sadyang may mga pangyayaring mahiwaga

Minsan sa buhay ay bigla lang bubulaga

Mga bagay minsa’y ‘di maipaliwanag

Nalalabuan, naghahanap ng liwanag

__________

Pasayahin natin ang pagbukang liwayway

Pagkat ito’y biyaya sa ‘tin ng Maykapal

Maghintay at may gantimpalang ibibigay

Hindi maglalaon at ‘di rin magtatagal

__________

Ngunit pag bukang liwayway ay sumambulat

Wag tumameme at ika’y makukulelat

Baka pag-asang nasulat sa buhay, ikalat

Pihadong ikaw ay mananatiling salat

%d bloggers like this: