(Tula) TAKIPSILIM

Heto’t napakagndang pagmasdan

Nagkukulay gintong kalangitan

Naroon sa may gawing kanluran

Natatanaw sa aming tahanan

 

At parang gintong nakakasilaw

Ang kalahati ng kalangitan

At doo’y akin ngang natatanaw

Dilim at liwanag nag aagaw

 

Kay bilis ng pagkalat ng dilim

Nang sumapit na ang takipsilim

Nagkalat sa langit ang bituin

Na ‘di naman makayang abutin

 

At heto ako’t nakatingala

Tinititigan ang mga tala

Unti unti kong nababanaag

Ang isang buwang nagliliwanag

 

At ‘di ko naiwasang masambit

Sa napakaliwanag na langit

Ang mga nararamdamang pait

Pagkat naroon Poon kay bait

 

O kalangitan kong sakdal rikit

Mga bituing kaakit akit

Mga suliranin ay alisin

Nagdadala ng mga isipin

 

Maraming bagay ang iniisip

Na sa aking diwa’y nakasilip

At sana dito sa ‘king pag idlip

May isang magandang panaginip

 

Ako’y matutulog ng mahimbing

Sa dampi ng malamig na hangin

Sa silaw ng buwan at bituin

Na may bahagyang siwang ng dingding

 

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: