(Tula) ISANG ARAW NG MARTES SA LINDEN SUITES

 

Araw ng martes nung kami ay nag check-in

Sa magandang hotel, pangalan ay linden

Kasama ang pamilya’t mga pamangkin

Pati mga pinsan at ang tatay namin

 

Ilang sandali lang kami ay nagpahinga

Sinulit namin ang malambot na kama

Nagmuni muni ng mga ala-ala

Hanggang sa tuluyang kami’y maidlip na

 

Habang ang mga bata ay nagmamasid

Naisipan ko naman mag surf sa internet

Si Linda at Julie ay nagpapa init

Ng aming meryendang spaghetti’t pansit

 

At sa dami ng aming dalang pagkain

Hanggang kinabukasa’y ‘di gugutumin

May kanin, itlog, adobo at fried chicken

May tinapay, sitsirya’t ibang kakanin

 

Panay ang pagpapakuha ng larawan

Sa pag posing ay ‘di magkaintindihan

At sa bawat kislap ng kamerang dala

Iba’t ibang aksyon inyong makikita

 

Matapos ihanda ang aming hapunan

Kasamang mga bata ay naglanguyan

Kami namang matatanda’y nagkwentuhan

Ng magagandang karanasang nakamtan

 

Lahat kami doon ay naging masaya

Sa larawan nami’y inyong makikita

Masasayang mukha, lahat nakatawa

Iba’t ibang postura, may nakadila pa

 

Ang mga bata halos hindi natulog

Ang kama ng hotel kanilang nilamog

Ang mga unan at kumot ay nalukot

Mag uumaga na wala pang inantok

 

Kung may kasiyahan meron ding tampuhan

Pagkat may isang batang napagsabihan

Gumising ng maaga, nagpunta sa bar

At ang biskwit na oreo ay inalmusal

 

Kaagad tumalilis ng takbo sa kwarto

Sumubsob sa kama sapagkat nagtampo

Sinundan ng lolo at kanyang inalo

Muling sumaya at nakihalubilo

 

Habang oras ng pag uwi’y papalapit

Ang mga bata’y naglangoy pa ring pilit

At ang dala naming gamit na niligpit

Isa isa ng sa bag isinisilid

 

Maikli man ang araw ng aming bakasyon

Masasabing nasulit buong panahon

Pagkat bihira lang kaming magkatipon

Maliban sa paminsan minsang okasyon

 

One Response

  1. Ramdam ko ang kaligayahan ng bawat isa. Maganda ang naisip ninyong pag babakasyon kahit sandali lang nakakabawas ng stress at the same time ay nabalikbalikan ninyo ang nga nakaran ninyong panahon nung magkakasama pa kayo sa probinsiya ninyo.
    You should have more of that bonding again in the future!

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: