(Tula) UBO AT SIPON

Ngayon ko lang natanto, mahirap pala

Dapuan ng sipon, may ubong kasama

Masikip ang dibdib at ‘di makahinga

Ganon din ang ilong, palaging may bara

 

Itong aking sipon, may kasamang lagnat

Giniginaw katawa’y ‘di maiunat

Pakiramdam ng ulo ko’y binibiyak

Sa aking paghinga dibdib ay may halak

 

Walang ganang kumain at inaantok

Masakit ang likod at ngalay ang batok

Lalamuna’y mahapdi hirap lumunok

Ubong madalas istorbo sa pag tulog

 

Katawan sa kama’y hindi mapalagay

Masakit ang kalamna’t kasukasuan

Idapa, ibaling sa kaliwa’t kanan

Waring nanginginig ang buong katawan

 

Sumisingaw ang init sa aking mata

Palaging naluluha at namumula

Ang baradong ilong hindi maisinga

Kaya sa bibig na ako humihinga

 

Bahagyang nagluluwag kung ihahatsing

Kaya  laging sa langit ako nakatingin

Pagtulo ng sipon ‘di namamalayan

Kasabay ang luha na nag uunahan

 

Walang magawa ang gamut na reseta

Di makatanggal ng makapal na plema

Nahihirapan na ang aking paghinga

Kaya naisipang sumangguni sa iba

 

Nagsugat na ang butas ng aking ilong

Dulot ng pag piga sa nakabarang sipon

Ngayo’y Sea coconut, aking iniinom

Biglang paghinga ko’y nagluwag na ngayon

 

Ang ubo at sipon mahirap iwasan

Pagkat ito’y sakit na pangkaraniwan

Lalo kung mahina ang iyong bunbunan

Sa konting ulan agad kang kakapitan

 

2 Responses

  1. Payo ko sayo para sayong sipon:

    Ang sipon ay babara-bara
    sinisingot-singot kung ayaw isinga
    payo ko sayo huwag kang tatawa
    baka lumobo’y kahiya-hiya ka..

    ang sipon… baw

    • hehe! oo nga

Leave a Reply

Fill in your details below or click an icon to log in:

WordPress.com Logo

You are commenting using your WordPress.com account. Log Out / Change )

Twitter picture

You are commenting using your Twitter account. Log Out / Change )

Facebook photo

You are commenting using your Facebook account. Log Out / Change )

Google+ photo

You are commenting using your Google+ account. Log Out / Change )

Connecting to %s

%d bloggers like this: